Zamik yeni mahnı təqdim edib

Azərbaycanlı müğənni Zamik Hüseynov “Səni gözləyirəm” adlı yeni mahnısına çəkdirdiyi klipi təqdim edib. Musiqisi Azərbaycanın xalq artisti Faiq Sücəddinov, mətni İsa Mansurov, aranjimanı Samir Şirinovdur. Klipin rejissoru Emin Muradovdur.

Zamik bu mahnının onun üçün çox əziz olduğunu qeyd edib. 30 il əvvəl birinci Qarabağ müharibəsi zamanı tanış olan iki sevgilinin hekayəsindən bəhs edir. Faciəli hadisələr nəticəsində onlar əbədi olaraq ayrıldılar və bu qədər ildən sonra hələ də bir-birlərini tapmağa çalışırlar.