Yük daşınması artır

Dövlət Statistika Komitəsinin məlumatına görə, yanvar ayında Azərbaycanda bütün nəqliyyat növləri ilə yükdaşımaların həcmi il ərzində 2% artaraq 17 milyon 405,8 min ton təşkil edib. Yüklərin 75,6 faizi qeyri-dövlət nəqliyyat müəssisələri tərəfindən daşınıb ki, bu da ötən illə müqayisədə 4,2 faiz çoxdur. Yükdaşımaların 24,4 faizi dövlət şirkətlərinin payına düşüb.

Dəmir yolu ilə 1 milyon 380 min ton yük (7% azalma), dəniz nəqliyyatı ilə 628,1 min ton (artım 11,2%), avtomobil Nəqliyyatı ilə 9 milyon 309,9 min ton (artım 6,7%), hava ilə 31,3 min ton (artım 27,2%) daşınıb.