Yeni marşrutlar

Azərbaycan Yerüstü Nəqliyyatı Agentliyi “Böyük qayıdış” proqramı çərçivəsində Bərdədən Xankəndiyə müntəzəm avtobus reysləri həyata keçirib. Avtobuslar Bərdədən saat 07:00, 11:30 və 16:30-da, Xankəndindən isə saat 09:00, 14:30 və 18:30-da yola düşəcək. Xankəndi-Bərdə reysi Xocalı şəhərindən keçir. Bərdə-Xankəndi reysinə bilet 2,80 manat, Bərdə-Xocalıya isə 2,50 manatdır.

Bundan əlavə, Agentlik tərəfindən Bakı metrosunun “Azadlıq prospekti” stansiyasından Sumqayıt şəhərinin Sülh küçəsinə qədər 123 nömrəli müntəzəm marşrut xətti açılıb. Marşrut boyu hər gün 15 avtobus hərəkət edir.