Yeni abadlaşdırılmış həyət istifadəyə verilib

“Yaşıl dünya naminə həmrəylik ili” və “Bizim həyət” layihəsi çərçivəsində Bakının Sabunçu rayonunun Bakıxanov kəndi Mira küçəsində daha bir həyətdə abadlıq işləri aparılıb. Burada 820 nəfərin yaşadığı üç çoxmərtəbəli bina var. Layihə təsisçisi və rəhbəri Leyla Əliyeva olan IDEA ictimai birliyi tərəfindən həyata keçirilir.

Təmirdən sonra həyətdə süni örtüklü mini-futbol stadionu, şahmat meydançası, müxtəlif idman qurğuları, uşaq meydançaları, besedkalar, skamyalar, quş evləri, pişik evləri, zibil qutuları, yeni işıq dirəkləri və müşahidə kameraları istifadəyə verilib. Binaların özləri də təmir olunub, asfalt və dam örtüyü yenilənib, yaşıllıqlar salınıb.