Xaqani bağının yeni görünüşü

Prezident İlham Əliyev Xəqani bağında və onun ətrafında aparılan abadlıq və yenidənqurma işlərindən sonra yaradılan şəraitlə tanış oldu. Bağ sahəsi 1,4 hektara çatdırılıb, abadlıq işləri aparılıb, yeni müasir skamyalar, uşaq əyləncə meydançası, işıqlandırma sistemi quraşdırılıb. Ətrafdakı yaşayış binaları da təmir və bərpa olunub.

Bundan başqa, Rəsul Rza, Qoqol və Xəqani küçələrində bağın ətrafındakı yollar piyadalar üçün nəzərdə tutulmuş zolağa çevrilib. Xəqani bağı genişmiqyaslı təmirdən sonra vətəndaşların gözəl istirahət məkanına çevriləcək.