Xaçmazda nadir tapıntı

Azərbaycan Milli Elmlər Akademiyasının Arxeologiya və Etnoqrafiya İnstitutundan bildirilib ki, bu il Xaçmaz rayonunun Həsənqala kəndində aparılan qazıntılar zamanı şimal bölgəsində ilk dəfə olaraq erkən tunc dövrünə aid insan skeleti aşkar edilib.

Bildirilir ki, Həsənqala kəndində ilk qədim yaşayış məskəni hələ 1977-ci ildə aşkar edilib və hazırda qazıntılar 2018-ci ildən davam edir. Mütəxəssislər yaşayış məntəqəsinin yuxarı qatını IX-XII əsrlərə aid edirlər.

Aşkar edilmiş insan qalıqları eramızdan əvvəl 3-cü minilliyə aiddir.