Xəzər sahilində genişmiqyaslı ekoloji kampaniya keçirilib

Xəzər dənizi gününün qeyd edilməsi çərçivəsində Bakı yaxınlığındakı Bilgəh çimərliyində genişmiqyaslı təmizlik tədbiri keçirilib. Aksiyada bir sıra nazirliklərin, ictimai təşkilatların nümayəndələri və könüllülər iştirak ediblər. Nəticədə bir tona yaxın zibil yığılaraq sahildən kənara çıxarılması mümkün olub. Təmizlikdən sonra “Zibil topla – eko torba əldə et” tədbiri keçirilib, burada toplanan plastik tullantılar ekoloji təmiz torbalarla dəyişdirilib.

Tədbirin məqsədi Xəzər sahilinin təmiz saxlanmasının vacibliyinə diqqəti cəlb etmək və plastikə ekoloji cəhətdən təmiz alternativlərin istifadəsini populyarlaşdırmaqdır. Xəzər dənizi günü hər il avqustun 12-də qeyd olunur ki, bu da dəniz mühitinin qorunmasının və tullantıların düzgün idarə olunmasının vacibliyini vurğulayır.