Voleybolçuların sayı artır

Azərbaycan Voleybol Federasiyasının İdarə Heyətinin iclasında baş katib Faiq Orucov ölkədə 8 regional voleybol klubunun (RVK) yaradılmasını elan edib. Bu təşəbbüs regionlarda voleybolun inkişaf etdirilməsi, gənc yaş qruplarının yaradılması və gənclərin sağlam həyat tərzinin təmin edilməsi məqsədi daşıyır.

Gənc voleybolçuların gələcəkdə milli komandalarda iştirakı üçün RVK ilə Böyük Liqa klubları arasında müqavilələr imzalanacaq. Bu, Azərbaycan voleybolunun uğurlu inkişafı üçün mühüm addım olacaq.