Veteran cüdoçuların aktivində 5 medal var

Latviyanın paytaxtı Riqada veteran cüdoçular arasında keçirilən Avropa kubokunda Azərbaycan idmançıları 2 qızıl, 1 gümüş və 2 bürünc medal qazanıblar. Azərbaycan komandası medal sıralamasında 3-cü yeri tutub.

Cüdoçular İmran İmanov (M1, 100 kq) və Zaur Bağırov (M4, +100 kq) qızıla, Nazim Əliyev (M7, 90 kq) gümüşə, Mahir Ağamirzəyev (M4, 90) və Vüqar Əliyev (M2, 81 kq) – bürüncə layiq olublar.