Türk Dünyası IX Sənədli Filmlər Festivalına 300 müraciət daxil olub

Türkiyədə “Məzlumlara azadlıq” devizi ilə keçiriləcək IX Türk Dünyası Sənədli Filmlər Festivalına türk toplumlarının yaşadığı ölkələrdən 300 müraciət daxil olub. Tədbir Türkiyənin Mədəniyyət və Turizm Nazirliyi, Kino Baş İdarəsi, TÜRKSOY, Türk Dünyası Bələdiyyələr Birliyinin, eləcə də bir sıra universitet və media təşkilatlarının dəstəyi ilə Türk Dünyası Jurnalistlər Federasiyası tərəfindən təşkil olunub.

Festivalın direktoru Menderes Dəmirin sözlərinə görə, türk mədəniyyəti dünyanın ən qədim və ən geniş yayılmış mədəni irslərindən biridir. Festival bu mədəniyyəti qoruyub saxlamağa və gələcək nəsillərə ötürməyə çalışır, onun müasir dünyada əhəmiyyətini və təsirini vurğulayır.