Tamaşaçılara Novruzun nağıl bağı təqdim olunub

Firidun-bəy Köçərli adına Respublika Uşaq Kitabxanası və 3 saylı Uşaq-Gənclər İnkişaf Mərkəzinin təşkilatçılığı ilə Azərbaycan Dövlət Gənc Tamaşaçılar Teatrında “Novruzlu nağıl bağı” musiqili tamaşası nümayiş olunub. Burada Novruz bayramının adət-ənənələri ilə bağlı müxtəlif kompozisiyalar və rəqslər nümayiş etdirilib.

Teatrın foyesində Novruz bayramına həsr olunmuş sərgi də nümayiş etdirilib. Tədbirin qonaqları internat məktəblərinin və təhsil müəssisələrinin, mədəniyyət və maarif ocaqlarının şagirdləri olub. Qonaqlar arasında uşaq yazıçıları Solmaz Amanova və Sevinc Nuruqızı da olub.