Taekvondo üzrə dünya çempionatında iştirakçıların qeydiyyatı başa çatıb.

Mayın 29-dan iyunun 6-dək Bakıda taekvondo üzrə dünya çempionatı keçiriləcək. Qarşıdan gələn yarışlarda 145 ölkəni təmsil edən 986 idmançı qeydiyyatdan keçib. Bu, dünya çempionatları tarixində yeni rekorddur. Ümumilikdə paytaxta 190 ölkədən 2000-ə yaxın qonağın gələcəyi gözlənilir.

Əvvəlki rekord Danimarkanın paytaxtı Kopenhagendə 140 ölkə nümayəndəsinin qatıldığı yarışlarda qeydə alınıb.

Azərbaycanın paytaxtında keçirilən dünya çempionatı Dünya Taekvondo Federasiyasının 50 illik yubileyinə həsr olunub.