Şuşada ilk dəfə Kəlağayı festivalı keçirilib

Azərbaycanın mədəniyyət paytaxtı Şuşada Mirvarid Dilbazi Poeziya Topluluğunun təşəbbüsü, Şəhər Dövlət Qoruğu İdarəsinin dəstəyi ilə ilk dəfə olaraq Kəlağayı festivalı keçirilib. Festivalda Güllü Eldar Tomarlının 200-dən çox qədim kəlağayı, trikotaj məmulatları, Gülnarə Məmmədovanın rəsmləri, Aybəniz Camalovanın əsərləri nümayiş olunub. Tədbir çərçivəsində konsert də baş tutub.

Festival Azərbaycanın Birinci vitse-prezidenti Mehriban Əliyevanın təşəbbüsü ilə kəlağayı sənətinin YUNESKO-nun qeyri-maddi mədəni irs siyahısına daxil edilməsinin 10 illiyinə həsr olunub. Tədbirin məqsədi Azərbaycanda Kəlağayların mədəni irsinin bərpası və populyarlaşdırılmasıdır.