Şuşada fransız müstəmləkəçiliyi ilə bağlı araşdırma təqdim olunur

Dezinformasiyaya qarşı mübarizəyə həsr olunmuş II Şuşa Qlobal Media Forumu çərçivəsində doktor Karlayl Korbinin araşdırması təqdim olunub. Təxminən 140 səhifəlik əsər Fransanın Vyetnam, Əlcəzair, Yeni Kaleodoniya və digər ərazilər kimi keçmiş və indiki koloniyalardakı müstəmləkəçilik tarixini və cari siyasətini araşdırır. Hesabat Fransanın insan haqları pozuntularına diqqəti artırmaq üçün BMT və digər beynəlxalq təşkilatlara göndəriləcək.

Doktor Korbin Fransa tərəfindən etnik təmizləmə və qul ticarəti kimi ciddi cinayətləri təsvir edir və həmçinin BMT qətnamələrinin yerinə yetirilməməsindən bəhs edir. Tədqiqat Fransa rəhbərliyinin, xüsusən də Prezident Emmanuel Makronun müstəmləkəsizliyə dair yerli tələblərə məhəl qoymadığını və Yeni Kaledoniyanın daxili problemlərini xarici müdaxilə ilə əlaqələndirərək beynəlxalq rəyi necə manipulyasiya etdiyini vurğulayır.