Salyanda doğum səviyyəsi azalıb 

Salyanda 2024-cü ilin 6 ayında doğum göstəricisində azalma müşahidə olunub: əhalinin hər 1000 nəfərinə düşən yeni doğulanların sayı 12,3-dən 10,5-ə düşüb. Ərazidə ümumilikdə 732 körpə doğulub ki, onların da 55,2 faizini oğlanlar, 44,8 faizini isə qızlar təşkil edib. Bu tendensiya ölkədə doğum səviyyəsinin ümumi azalmasına uyğundur. 

Azərbaycan Dövlət Statistika Komitəsi qeyd edib ki, 2024-cü ilin yanvar-may aylarında əhalinin hər 1000 nəfərinə düşən göstərici 11,1-dən 9,8-ə düşüb. Bu beş ay ərzində 41 608 yeni doğulmuş uşaq qeydiyyata alınıb.