Şəkidə biznes yarmarkası keçirilib

Şəkidə keçirilən “KOB FEST” sərgi-yarmarkasında Qax, Balakən, Şəki və Qəbələdən olan 70-dən çox kiçik və orta sahibkarlıq subyekti öz mal və xidmətlərini təklif edib. Yerli sakinlər ipək xalça və şərflər, bal, quru meyvələr, konservlər, keramika, suvenirlər və zərgərlik məmulatları, sərinləşdirici içkilər, rəsm əsərləri və müxtəlif əl işləri ala bildilər.

Kiçik və Orta Biznesin İnkişafı Agentliyi dövlət dəstəyi ilə ölkənin müxtəlif şəhər və rayonlarında “KOB FEST” sərgi və yarmarkalarını təşkil edir. Növbəti tədbir Gəncədə baş tutmalıdır.