Şəki və Oğuzda aqrobiznes festivalı keçirilib

Şəki və Oğuz rayonlarında keçirilən aqrobiznes festivalında müxtəlif kənd təsərrüfatı texnologiyaları və texnikaları nümayiş etdirilib. Bunlara innovativ suvarma texnologiyaları, alternativ enerji mənbələri və müasir bitki mühafizə vasitələri, eləcə də iqlim dəyişikliyinə davamlı alternativ enerji qurğuları və ekoloji məhsullar daxildir.

Toxumların sərgi-satışında isə payızlıq taxıl (arpa, buğda) və tərəvəz bitkilərinin səpilməsi üçün sertifikatlı toxumlar təqdim olunub. Məhsullarla maraqlanan fermerlərə toxum seçimi və onlardan istifadə ilə bağlı məsləhətlər verilib.

Gələcəkdə yerli toxumçuluğun dəstəklənməsi ilə bağlı analoji tədbirlərin respublikanın digər bölgələrində də keçirilməsi nəzərdə tutulur.