Regional subsidiya planı

Azərbaycanın 2024-cü il dövlət büdcəsi layihəsində ölkənin yeddi rayonuna subsidiyaların ayrılması nəzərdə tutulub. Ən çox Kəlbəcər rayonuna – 1,94 milyon manat, Yardımlı rayonuna isə 1,86 milyon manat vəsait daxil olacaq. Həmçinin Xocalı, Xocavənd, Laçın, Zəngilan və Cəbrayıl rayonlarına subsidiyalar ayrılacaq.

Ümumilikdə, 2024-cü ildə Azərbaycanın dövlət büdcəsinin gəlirləri 34,173 milyard manat, xərcləri isə 36,763 milyard manat nəzərdə tutulub. Bunun 4 milyard manatı işğaldan azad edilmiş ərazilərin bərpasına yönəldiləcək.