Rəssamlar Şabranda bir həftəlik simpoziuma toplaşıblar

Şabran Sağlamlıq istirahət mərkəzində bir həftəlik “İrsin izi ilə” adlı rəssamlar simpoziumu keçirilib. Tədbirdə rəssamlar Eldar Babazadə, Mir Azər Abdullayev, Erkin Ələkbərli, Əli Məhərrəm, Emin Əsgərov, Röya Həsən, Anar Hüseynzadə, Elşən Karaca, Elnur Mahmudov, Cavid Məmmədov, Təranə Seyid və Rauf Şamilzadə yeni əsərlərini yaradıblar.

Leyla Khazary Art Qallery təşkilatçılığı ilə keçirilən simpozium Şabranın qış gözəlliklərinə diqqəti cəlb etmək məqsədi daşıyır. Tədbirdə uşaqlar və böyüklər üçün rəsm emalatxanası da təşkil edilib. Simpoziumda yaradılan rəsmlər tezliklə paytaxtda sərgilənəcək.