“Qarabağ”ın qazancı artıb

Ağdamın “Qarabağ” klubu Portuqaliya “Braqa”sı ilə oyundan sonra Avropa Liqasının 1/8 final mərhələsinə yüksəlməsi nəticəsində 2,2 milyon manat (1,2 milyon avro) qazanıb. Klubun Avropa Liqasının qrup mərhələsində və avrokubokların pley-off mərhələsində çıxışına görə ümumi gəliri hazırda 14,5 milyon manat (7,89 milyon avro) təşkil edir.

Avropa Liqasının qrup mərhələsinin püşkatmasının nəticəsinə əsasən, “Qarabağ” qrup mərhələsində iki dəfə uduzduğu Almaniyanın “Bayer” klubu ilə 1/8 finalda oynayacaq. Komandamız Almaniya Bundesliqasının lideri ilə martın 7-də Bakıda, cavab görüşü isə martın 14-də Almaniyada baş tutacaq.