“Qarabağ gecəsi” xeyriyyə konserti yaxınlaşır

İyulun 10-da Bakıda, Azərbaycan Dövlət Akademik Filarmoniyasında Qarabağın Dirçəliş Fondunun təşkilatçılığı ilə “Qarabağ gecəsi” üçüncü xeyriyyə konserti keçiriləcək. Orada xalq artisti Ənvər Sadıqov, əməkdar artist Emil Əfrasiyab, “Qaytağı” instrumental ansamblı və caz musiqiçiləri çıxış edəcəklər.

Fond konsert zamanı toplanan vəsaiti işğaldan azad edilmiş ərazilərdə mədəniyyət ocaqlarının bərpasına sərf edəcək.

İlk xeyriyyə konserti “Qarabağ gecəsi” 2022-ci il iyunun 26-da Bakıda, keçən il isə iyunun 17-də Gəncədə keçirilib.