Qara kürünün ixracı artıb

2023-cü ilin yanvar-noyabr aylarında Azərbaycan nərə balıqlarının kürüsünün ixracını 2022-ci ilin müvafiq dövrü ilə müqayisədə dəyər ifadəsində 1,7 dəfə, kəmiyyət ifadəsində isə 2,2 dəfə artırıb. Bu dövrdə 530 kq qara kürünün kiloqramı 919 dollar (1562 manat) ixrac qiyməti ilə 487,1 min dollar dəyərində ixrac edilib, 2022-ci ildə qiyməti 1172 dollar (1992 manat) olub.

Azərbaycanda akvakulturanın inkişafına dair 2023-2027-ci illər üçün Dövlət Proqramı çərçivəsində 2027-ci ilədək akvakulturada yetişdirilən nərə balıqlarının əti istehsalının 15 min tona, qara kürünün isə 10 tona çatdırılması nəzərdə tutulur.