Qəpik-quruşa ezamiyyətdə

Ezamiyyə xərclərinin artırılması ilə bağlı layihə Nazirlər Kabinetinə təqdim edilib. Milli Məclisin deputatı Vüqar Bayramov bildirib ki, son 6 ildə ölkə daxilində və xaricə ezamiyyət tarifləri dəyişməyib, indi əksər hallarda xərcləri ödəməyə kifayət etmir. Ona görə də ezamiyyə xərclərinin demək olar ki iki dəfə artırılması təklif edilir.

Qeyd olunur ki, Bakıya gündəlik ezamiyyətin qiyməti 90 manata, böyük şəhərlərdə 70 manata, ölkənin digər yerlərində isə 65 manata başa gəlir. Eyni zamanda, başqa ölkələrə ezamiyyət xərcləri də azdır. Bayramovun sözlərinə görə, Azərbaycanda inflyasiyanın səviyyəsi nəzərə alınmaqla ezamiyyə xərclərinə illik düzəlişlər edilə bilər.