Pis hava körpüləri və yolları sıradan çıxarıb

Son günlər Azərbaycanda müşahidə olunan qeyri-sabit hava şəraiti nəticəsində ölkənin yol infrastrukturuna ciddi ziyan dəyib. Yağan leysan çayların məcrasından çıxmasına və sel sularına səbəb olub. Gəncə-Bakı avtomobil yolunda Gəncədən çıxışda körpünün altından keçən tunel su altında qalaraq nəqliyyatın hərəkətini tamamilə bağlayıb. Alternativ marşruta da ziyan dəyib: sürüşmə nəticəsində yolun bir hissəsi dağılıb. Səlahiyyətlilər fəsadların aradan qaldırılması və suyun çəkilməsi üçün çalışır.

Quba rayonunda sel 6 kəndi rayon mərkəzindən təcrid edərək Alikçay üzərindəki körpünü uçurub. Goranboy və Samux rayonlarında sel suları bir neçə kəndi və evləri basıb. Eldar və Burunqovaq kəndləri su altında qalıb.