Pensiyalar artırılacaqmı?

Milli Məclisin deputatı Aydın Hüseynov bildirib ki, ilin ortalarında pensiyalar artacaq. Dövlət büdcəsinin gəlirlərinin artırılması ilə bağlı proqnozlar tezliklə özünü doğrultmalıdır və bu, onun korrektə edilməsi zərurətinə səbəb olacaq. Hüseynov qeyd edib ki, yaxın aylarda dövlət büdcəsinə yenidən baxılması mümkündür.

Deputatın sözlərinə görə, ilin ortalarında əməkhaqqı və sosial müavinətlər də artırıla bilər, çünki onlar da büdcənin mühüm tərkib hissəsidir. Ötən illərdə pensiya və sosial müavinətlər də ildə iki dəfə artırılıb.