Paytaxt trafik xəbərləri

Azərbaycan Quru Nəqliyyat Agentliyinin məlumatına görə, Bakıda smart dayanacaqlar avtobusların hərəkətini dayandırdıqda saat 00:00-dan sonra bağlanır. Agentlik qeyd edib ki, bu, təhlükəsizlik, infrastrukturun saxlanması və asayişin qorunması üçün edilir. Ümumilikdə paytaxtda videomüşahidə sistemləri, Wi-Fi, qadcetlər üçün enerji doldurucular və avtobusların hərəkət qrafiki olan elektron lövhələr quraşdırılmış 20-dən çox müasir dayanacaq var.

Daha bir xəbər paytaxtın işıqforları ilə bağlıdır. Daxili İşlər Nazirliyinin Nəqliyyatı İntellektual İdarəetmə Mərkəzindən verilən məlumata görə, 6 ay ərzində Bakı şəhərinin müxtəlif küçə və prospektlərində baş vermiş qəzalar nəticəsində Mərkəzin 20 svetoforu və digər texnikası sıradan çıxıb.