Payızı və ANİMAFİLM gözləyirik

Oktyabrın 2-dən oktyabrın 6-dək Azərbaycan kinoteatrında ANİMAFİLM VII Beynəlxalq Animasiya Filmləri Festivalı keçiriləcək. İki beynəlxalq və iki yerli kateqoriya üzrə 37 ölkədən daxil olan 196 müraciətdən 18 ölkədən peşəkar və gənc rejissorların 48 filmi iştirak üçün seçilib. Bunlardan 12-si yerli, 36-sı isə beynəlxalq kateqoriyalar üzrə təqdim olunacaq. 

Münsiflər heyəti və tamaşaçılar “Ən yaxşı qısametrajlı animasiya filmi – QRAN-PRİ”, “Ən yaxşı qısametrajlı uşaq animasiya filmi”, “Ən yaxşı azərbaycan qısametrajlı animasiya filmi”, “Ən yaxşı Azərbaycan Tələbə qısametrajlı animasiya filmi”, Tamaşaçılar mükafatı və tərəfdaşlardan xüsusi mükafatlar nominasiyalarında qalibləri seçəcəklər.