Palçıq vulkanı oyandı

Ötən həftə Azərbaycanın şimalında Şamaxı rayonunun Məlikçobanlı kəndində palçıq vulkanı püskürüb. Püskürmədən əvvəl yerli sakinlər gurultu eşitdilər, sonra hündürlüyü 15 metrə qədər olan brekçiya atıldı, lakin xarakterik alov sütunu müşahidə olunmadı.

Milli Elmlər Akademiyasının Respublika Seysmoloji Mərkəzinin baş direktoru Qurban Yetirmişli bildirib ki, palçıq vulkanlarının püskürməsi zəlzələlərin nəticəsidir. Azərbaycanda Yer kürəsində məlum olan 1700 palçıq vulkanından 700-ü var və onların yarısı aktivdir.