Ölkənin ümumi təhsil müəssisələrində nə qədər şagird var?

Məktəbəqədər və Ümumi Təhsil üzrə Dövlət Agentliyinin direktoru Eşqi Bağırovun sözlərinə görə, Azərbaycanın ümumi təhsil müəssisələrində ümumilikdə 1 700 000 yaxın şagird təhsil alır. Hazırda uşaq bağçalarında 106 212, məktəbdənkənar təhsil müəssisələrində isə 121 297 uşaq təhsil alır.

Ümumilikdə ölkədə 4329 məktəb, 1668 uşaq bağçası və 145 məktəbdənkənar təhsil müəssisəsi fəaliyyət göstərir. Bağırov qeyd edib ki, dövlət qurumunun əsas məqsədi məktəbəqədər təhsillə əhatəliliyin səviyyəsini hazırkı 30%-dən 50%-ə çatdırmaqdır.