Ölkədə ilk Beynəlxalq Qurama Festivalı keçirilib

“İçərişəhər” Dövlət Tarix–Memarlıq Qoruğu İdarəsinin təşkilatçılığı ilə Azərbaycanda ilk dəfə Beynəlxalq Qurama Festivalı keçirilib. Tədbir çərçivəsində beynəlxalq seminar, ustad dərsləri, İçərişəhər fond kolleksiyasından qurama məmulatlarının nümunələrinin nümayişi, həmçinin yerli və xarici ustaların əl işlərindən ibarət sərgi təşkil edilib.

Açılış mərasimi paytaxtın Şirvanşahlar Sarayında baş tutub, Şuşada da tədbirlər təşkil olunub. Festivalın keçirilməsində məqsəd türk dünyasının qədim irsini əks etdirən qurama sənətini qoruyub saxlamaq və gələcək nəsillərə çatdırmaqdır.