O kimdir, ən yaxşı tələbə?

Dünyanın TOP 100 universitetində təhsil almaq fürsətinə sahib olmaq istərdinizmi? Bakı Ali Neft Məktəbinin 5-ci kurs tələbəsi, “Kimya mühəndisliyi” ixtisası üzrə təhsil alan Aytac Əsgərova belə şans qazanıb. O, magistraturaya qəbul imtahanlarında Azərbaycanda birinci yeri tutub.

Xanımın sözlərinə görə, uşaqlıqdan çalışqan şagird olub və valideynləri onu heç vaxt oxumağa məcbur etməyib. Aytac ilk nailiyyətlərinə məktəb illərində, fizika fənni üzrə olimpiadanın qalibi olduqda nail olub.

Aytac xaricdə təhsilin dövlət proqramı çərçivəsində Böyük Britaniyada təhsilini davam etdirməyi, sonra isə vətənə qayıdıb öz ixtisası üzrə işləməyi planlaşdırır.