Novruzla bağlı sərgi açılıb

Aprelin 15-dək Azərbaycan Milli İncəsənət Muzeyində yazın başlanğıcı və qədim Novruz bayramına həsr olunmuş “Salam, Novruz!” interaktiv sərgisi keçirilir. Sərgidə muzeyin kolleksiyasından bayramın tarixi, əsas atributları və rituallarından bəhs edən 80-ə yaxın dekorativ, tətbiqi və təsviri sənət əsəri nümayiş etdirilir.

Sərgi beş tematik zalda açıqdır. Onlardan dördü kainatın elementlərini simvolizə edən bayramqabağı çərşənbə axşamı günləri (“Su çerşənbəsi”, “Od çerşənbəsi”, “Yel çerşənbəsi”, “Torpaq çerşənbəsi”), beşincisi isə bayramın özünə həsr olunub. Bu zalda Novruz atributları ilə bəzədilmiş interaktiv xonça var.