Növbəti marşrutda nağdsız ödəniş mümkündür

Keçən həftəsonu gediş haqqının nağdsız ödəniş sistemi 142 saylı şəhərətrafı marşrut üzrə müntəzəm istifadəyə verilib. Azərbaycan Quru Nəqliyyatı Agentliyindən verilən məlumata görə, bu avtobus “20 Yanvar” metrostansiyasından Abşeron rayonunun Masazır kəndi istiqamətində hərəkət edir.

Müxtəlif yerüstü nəqliyyat marşrutlarında gediş haqqının nağdsız ödəniş sistemi mərhələli şəkildə tətbiq edilir. Hazırda bu yeniliyin tətbiqi prosesinin sürətləndirilməsi kursu keçilib.