“Muzeydə musiqi” nə kimi səslənir?

Azərbaycan Mədəniyyət Nazirliyi və Milli İncəsənət Muzeyi “Muzeydə musiqi” adlı yeni layihəni təqdim edir. Tsikldə ilk tədbir Bakı Kamera Orkestri və məşhur pianoçu Səidə Tağızadənin dahi alman bəstəkarının əsərlərinin təqdim olunduğu “Siz Baxı sevirsinizmi?” konserti olub.

Azərbaycanın Əməkdar Artisti Fuad İbrahimovun və beynəlxalq müsabiqələr laureatı, pianoçu Səidə Tağızadənin rəhbərliyi ilə Bakı Kamera Orkestri tərəfindən tamaşaçılara klassik musiqinin şah əsərləri səsləndirilib. Təşkilatçılar qeyd edirlər ki, “Muzeydə musiqi” yeni layihəsinin hər bir tədbiri musiqi və təsviri sənətdə konkret dövrə həsr olunacaq.