“Musiqi kimliyimiz” layihəsi davam edir

“Musiqi kimliyimiz” layihəsi çərçivəsində Gəncə Dövlət Filarmoniyasının Urban Mərkəzində saz ifaçılarının konserti olub. Gəncə şəhər Zərif Qayıbov adına 5 nömrəli Uşaq Musiqi Məktəbinin ansambl və şagirdləri Ələsgər gözəlləməsi, Şirvan Gülünün, Sarıtorpaqın, Ceyranımın, Baş Müxəmməzin, Paşaköçdü, Koroğlu cənginin bəstələrini ifa ediblər.

Həmçinin Filarmoniyada Azərbaycan aşıq sənətinin tanınmış nümayəndəsi Aşıq Ələsgərin xatirə gecəsi keçirilib. “Musiqi kimliyimiz” layihəsi milli dəyərləri gənclər arasında təbliğ etmək məqsədi daşıyır. Bu məqsədlə aşıq sənətinin, qədim tarixə malik dastanların musiqi gecələri keçirilir.