Musiqi ən yaxşıları bir araya gətirir

8 Mart Beynəlxalq Qadınlar Günü münasibətilə “Baku Crystal Hall”da ilk irimiqyaslı QualityEvent musiqi festivalı keçiriləcək. Aparıcı Samir Bayramlı olacaq. Səhnəyə isə Azərbaycanın xalq artistləri də daxil olmaqla ən sevilən ifaçılar çıxacaq.

Konsert iştirakçıları arasında Aygün Kazımova, Röya Ayxan, Miri Yusif, Tünzalə Ağayeva, həmçinin Namiq Qaraçuxurlu, Rəsul Əfəndiyev, Miro, Hiss, Madteen&Rəssam, Elvin Babazadə və başqaları olacaq. Bu bayramda sənətçilər ən məşhur hitlərini tamaşaçılara təqdim edəcək, gözlənilməz duetlərdə də özlərini sınayacaqlar. Bundan əlavə, təşkilatçılar zərif cinsin nümayəndələri üçün sürprizlər vəd edirlər.