Müğənni Orxan Zeynallı təsirli videoklip yayımlayıb

Azərbaycanlı reper Orxan Zeynallı xatirələrin uzunömürlülüyünü tərənnüm edən “İllər sonra” mahnısına çəkdirdiyi klipi təqdim edib. Musiqi kompozisiya ifaçının atası, ötən il dünyasını dəyişən jurnalist Araz Zeynalova həsr olunub. Videoda musiqiçinin şəxsi arxivindən ailə foto və videoları göstərilib.

Mahnının sözlərini Orxan Zeynallının özü, musiqisinin müəllifi isə Clavis olub. Mahnının      nəqəratin Azərbaycanın xalq artisti Aybəniz Haşımovanın qızı Aynişan Quliyeva ifa edib. Klipdə aparıcı İlkin Həsəni, aktyorlar Turanə Hüseynli, Kəmalə Piriyeva, Əlixan Rəcəbov, Taleh Yüzbəyov, Elməddin Cəfərov və Azər Aydəmir, bloqqerlər Nigar Quliyeva və Günel Rəhimova çəkiliblər.