Moruq Festivalı

Bu həftəsonu Azərbaycanda ilk dəfə olaraq Moruq Festivalı keçirilir. Dünən Göygöl rayonunun Keşkü kəndində yerli icra hakimiyyəti orqanlarının dəstəyi ilə əyləncə proqramı və rəngarəng təamlar, həmçinin moruqlu içkilərdən ibarət əsl qastronomik festivala start verilib.

Göygöl rayon icra hakimiyyətinin köməkliyi ilə festivalın qonaqları üçün bayram proqramı, o cümlədən uşaqlar və böyüklər üçün əyləncə proqramı hazırlanmış, sərgi-yarmarka və açıq havada istirahət guşəsi yaradılmışdır.