Monster Truck Show Azərbaycanda

İyunun 15-də Baku Crystal Hall-da Cars and Coffee avtomobil festivalı keçiriləcək. Burada superkarlar, idman avtomobilləri, klassik avtomobillər və tüninq edilmiş avtomobillərin sərgisi keçiriləcək. Festivalın əsas tədbiri ölkəmizdə ilk dəfə keçiriləcək Monster Truck Show olacaq. Şou çərçivəsində tamaşaçılara avtomobilləri sındırmaq, avtomobillərin üstündən tullanmaq və digər tryuklar nümayiş etdiriləcək.

Əcnəbi kaskadyorların ifasında “İki təkərdə duet”, “HyperDrift”, “Skyfall” və digər maraqlı tamaşalar nümayiş olunacaq. Festivalda həmçinin bir neçə məşhur DJ-lərin mikslərindən ibarət musiqi proqramı və digər əyləncələr təqdim olunacaq.