Minalar yerinə minlərlə ağac

Qarabağ müharibəsi nəticəsində dağıdılmış tarixi Sultanbud meşəsində dünyada minalara qarşı mübarizə proqramı və müstəsna tarixi dəyəri olan gözəl təbiət məkanının bərpası istiqamətində görülən işlər çərçivəsində 3300 ağacın əkilməsi aksiyası keçirilib.

Tərtər rayonunda Beynəlxalq Mina Maarifləndirilməsi və Minalardan Təmizlənməsinə Yardım Günü ilə əlaqədar gözəl və mühüm tədbir keçirilib. İştirakçılar arasında Azərbaycan Respublikası Ərazilərinin Minalardan Təmizlənməsi Agentliyi yanında İctimai Şuranın üzvləri, “Azərbaycanın İlk Qadın İstehlakçıları” layihəsinin əməkdaşları, mina qurbanları və onların ailə üzvləri olub.