Milli İncəsənət Muzeyi yeni konsert təqdim etdi

Ötən həftə Milli İncəsənət Muzeyində Azərbaycan Respublikası Mədəniyyət Nazirliyi ilə birgə “Muzeydə musiqi” layihəsi çərçivəsində təşkil olunan konsert keçib. Azərbaycanın Əməkdar artisti Əlibala Rzayevin rəhbərliyi ilə Dövlət Nəfəs Orkestri “Qələbə qanadlarında” adlı proqram təqdim edib.

Tədbir zamanı Q.Qarayev, V.Adıgözəlov, A.Əliyev, İ.Ştraus, A.Silvestri, V.Hendinin və bir çox başqa bəstəkarların məşhur marşları və caz əsərləri səsləndirilib. Konsert proqramı hərbi mövzulara həsr olunmuş muzey sərgisinə tematik ekskursiya ilə müşayiət olunub.