“Mahir Muradov kuboku” başa çatı

Azərbaycan Atçılıq Federasiyası tərəfindən Binə Atçılıq Mərkəzinin açıq arenasında müxtəlif atçılıq klublarının və yaş qruplarının idmançıları arasında “Mahir Muradov kuboku” uğrunda yarışlar keçirilib. Yarışın qaliblərinə “Mahir Muradov kuboku”, ilk üç yerin sahibləri medallar, 4-cü və 5-ci yerləri tutan iştirakçılara isə diplom və pul mükafatları təqdim olunub.

“E” kateqoriyasında “Sərxədçi” atçılıq klubundan Gülay Fərzəliyeva “Nabab de Belu” adlı atı ilə qalib olub. “L” kateqoriyasında “Gilan” atçılıq klubunun idmançısı Rahib İsmayılov “Kartanio” adlı atı ilə birinci olub. “M*” kateqoriyasında birinci yeri “Elit” klubundan Seyid Musayev “Ayla” adlı atı ilə tutub.