Mədinə Şahgəldiyeva və Nərmin Rzayeva Gəncədə çıxış edəcəklər

Fikrət Əmirov adına Gəncə Dövlət Filarmoniyası qonaqları üçün xüsusi hədiyyə hazırlayır. Sentyabrın 23-də musiqisevərlər üçün gənc, lakin artıq çox məşhur musiqiçilərin dueti çıxış edəcək. Beynəlxalq müsabiqələr laureatları, kamança ifaçısı Mədinə Şahgəldiyeva və beynəlxalq müsabiqələr laureatı, pianoçu Nərmin Rzayeva “Ruhun qidası” verilişini təqdim edəcəklər.

Filarmoniyadan dəqiqləşdiriblər ki, konsertdə Üzeyir Hacıbəyli, Sevda İbrahimova, Tural Məmmədli, Bel Bartok, Ferenç List, Friderik Şopen, Lüdviq van Bethoven, Bela Kovaçın ölməz əsərləri səslənəcək.