Mədəniyyətlərarası dialoq başa çatır

Bu gün Bakıda “Sülh və qlobal təhlükəsizlik naminə dialoq: əməkdaşlıq və qarşılıqlı fəaliyyət” mövzusunda VI Ümumdünya Mədəniyyətlərarası Dialoq Forumu başa çatır. Böyük tədbirdə iştirak etmək üçün dünyanın müxtəlif ölkələrindən ümumilikdə 700 yüksək səviyyəli qonaq Azərbaycanın paytaxtına gəlib.

Təşkilatçılar tədbirdə 60-a yaxın ölkənin mədəniyyət nazirliklərinin, 28 beynəlxalq təşkilatın nümayəndələrinin, dünyanın 100 ölkəsindən jurnalistlərin, elm adamlarının və dövlət rəsmilərinin iştirakını qeyd edirlər.