Leyla Vəkilova kinoda

Ötən həftə paytaxtın Nizami Kino Mərkəzində “Vəkilova” sənədli filminin təqdimatı olub. Film 1999-cu ildə bu dünyadan köçmüş görkəmli balet artisti, xoreoqraf, pedaqoq, SSRİ xalq artisti, professor Leyla Vəkilovanın həyat və yaradıcılığından bəhs edir.

Samir Səmədovun sənədli filmində sənətkarın ilk illərindən, Bakı Xoreoqrafiya Məktəbində və Moskva Xoreoqrafiya Məktəbində təhsil almasından, Azərbaycan Opera və Balet Teatrının truppasında işləməsindən, Azərbaycan Dövlət Rəqs Ansamblının və Bakı Xoreoqrafiya Məktəbinin rəhbərliyindən bəhs edilir.