Konkur yarışları başa çatdı 

Azərbaycanın müxtəlif Atçılıq klublarından olan idmançılar “Omar Kuboku”na tullanma yarışlarında iştirak ediblər. “A” kateqoriyasında (90 sm yüksəklikdə maneələr olan yarışlar) 12 yaşdan kiçik 20 idmançı, “m” kateqoriyasında (maneələrin hündürlüyü 120 sm) – yaş məhdudiyyəti olmayan 21 idmançı çıxış etdi. Hər iki nominasiyada ən yaxşı 5 idmançı Fəxri Fərman və hədiyyələr aldı. 

“A” kateqoriyasında birinci yeri “Tibet” ləqəbli atla “Məktəb” atçılıq klubunun idmançısı Leyla Mirzəyeva tutub. “M” kateqoriyasında “Gilan” atçılıq klubunun idmançısı Rahib İsmayılov “Carthanio” ləqəbli atla birinci yerin sahibi oldu.