Kişilər erkən pensiyaya çıxa biləcəklər

Azərbaycanda əmək pensiyaları ilə bağlı qanunvericiliyə bəzi hallarda kişilərin erkən pensiyaya çıxmaq hüququnun uzadılması ilə bağlı dəyişikliklər edilib. Yeniliyə əsasən, həyat yoldaşını itirən və himayəsində övladı ilə qalan kişi, o cümlədən yeni ailə həyatı quranlar pensiyaya adi vaxtdan 5 il tez çıxa biləcək. Bu təklif “Əmək pensiyaları haqqında” Azərbaycan Respublikasının Qanununa edilən dəyişikliklərin tərkib hissəsi olub.

Qeyd olunur ki, pensiyaya çıxmaq üçün yaş həddi tədricən artırılıb. Belə ki, 2023-cü il iyulun 1-dən iyunun 30-dək kişilər üçün 65 yaş, qadınlar üçün 63 yaş 6 ay, cari ilin dövründə isə müvafiq olaraq 65 yaş və 64 yaş olacaq. Yaşa görə əmək pensiyaları ömürlük təyin edilir.