İsitmə sistemi söndürüldü

Azərbaycanda ötən il noyabrın 15-dən başlayan istilik mövsümü bu həftə başa çatıb. Aprelin 15-dən ölkə üzrə obyektlərə istilik verilməsi dayandırılıb, yeni mövsümdə magistral istilik xətlərinin etibarlı istismarını təmin etmək üçün məcburi profilaktik tədbirlərə başlanılıb.

Bildirilir ki, bu il 1000 kilometrdən artıq istilik magistralında hidravlik təzyiq yoxlanılıb, 10 kilometrdən artıq müxtəlif diametrli magistral və blokdaxili istilik magistralları dəyişdirilərək yenilənib.