İşğaldan azad edilən ərazilərə biletlər artıq satışdadır

Azərbaycan Yerüstü Nəqliyyatı Agentliyinin (AYNA) təşkil etdiyi müntəzəm avtobus reyslərinə biletlər satışa çıxarılıb. Onları www.yolumuzqarabaga.az portalında onlayn əldə etmək olar. Bunun üçün şəxsiyyəti təsdiq edən sənəddən məlumatları sistemə daxil etməlisiniz. Bilet başqa şəxsə verilə bilməz.

2022-ci il yanvarın 24-dən Şuşa və Ağdam şəhərlərinə müntəzəm avtobus marşrutları fəaliyyətə başlayıb. Həmin vaxtdan işğaldan azad edilmiş ərazilərə 31,9 min sərnişin səfər edib. Həmçinin 2023-cü il dekabrın 27-dən Şuşa şəhəri və Suqovuşan kəndinə, 27 aprel 2024-cü il tarixindən isə Laçın şəhərinə şəxsi avtomobillə gediş-gəlişə icazə verilib.