İrina Zaretska hələ də ikincidir

Dünya Karate Federasiyası Antalyada keçirilən Premyer Liqa turnirindən sonra yeni reytinq açıqlayıb. Onda üçqat dünya çempionu İrina Zaretska (68 kq) ikinciliyini qoruyub. Bu il o, hələ beynəlxalq yarışlarda iştirak etməyib. Siyahıda birinci yeri isveçrəli karateçi Yelena Quirici tutur.

Avropa Oyunlarının qalibi Tural Ağalarzadə (67 kq) reytinqdə 9-cu yeri tutaraq ilk onluğa daxil olub. Parisdə keçirilən mərhələnin bürünc mükafatçısı Fidan Teymurova (50 kq) 18-ci, Antalyada keçirilən Premyer Liqanın mərhələsində bürünc medal qazanan Turqut Həsənov (84 kq) isə 24-cü yerdədir.